2019 წლის 17 დეკემბერს, 20:00 საათზე საქართველოს ეროვნული მუსიკალური ცენტრი და ნიკოლოზ რაჭველი სილქ ფაქტორი სტუდიოს პავილიონში (კოსტავას ქ. 59) წარმოგიდგენთ დმიტრი შოსტაკოვიჩის სიმფონიას N7, დო მაჟორი, თხზ.90 სახელწოდებით „ლენინგრადული“.
 სიმფონიაზე მუშაობა კომპოზიტორმა 1941 წლის დეკემბერში დაასრულა კუიბიშევში (ახლანდელი სამარა), სადაც 1942 წლის 5 მარტს მისი პრემიერა შედგა. თუმცა ისტორიისთვის ყველაზე მნიშვნელოვანი მაინც სიმფონიის ლენინგრადში შესრულება გახლდათ 1942 წლის 9 აგვისტოს. ალყაში მოქცეული ქალაქის რადიოს ორკესტრში იმ დროისათვის სულ 14 მუსიკოსი იყო დარჩენილი, ამიტომ დირიჟორ კარლ ელიასბერგს მოუხდა მოეწვია ყველა, ვისაც რაიმე ინსტრუმენტზე დაკვრა შეეძლო.